ليه تكون عضو عادي لما ممكن تكون عضو فعال ونشط
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 بلد بتاعة شهادات صحيح..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zoro
Adnin
Adnin


عدد الرسائل : 700
تاريخ التسجيل : 06/12/2007

مُساهمةموضوع: بلد بتاعة شهادات صحيح..   الأربعاء فبراير 27, 2008 2:29 am

فجاه اول ما بدأ التيرم الجديد في الكليه لاحظنا تغيرات غريبه بتحصل.!!!

كل حاجه بقى فيها تغير باية بالتغيرات اللي حصلت في المباني اشي دهان جديد على مسح للسلالم كل نص ساعه
مرورا بالمواد اللي بقى ليها كتب بعد مكان ملهاش ونهاية بالنتائج اللي اتعلقت وبعد ما علقوها عدلوها((لأول مره في الكليه تتعدل ويرفعوا نسبة النجاح))
ولما بكل بنسأل بقى ايه سبب التجديدات والتغيرات دي ردوا علينا وقالوا:اصل في ناس جيه علشان تدي الكليه شهادة الايزو...
وايه بقى الايزو ده ؟؟طلعت انها شهادة هيدوها للكليه علشان المنتج اللي هو احنا الطلبه يبقى حاصل على شهادة الجوده
يعني بعد كده اللي هيتخرج من كلية الطب البيطري جامعه القاهرة هيدولوا بادج محطوط عليه صنع في مصر وحاصل على شهادة الجودة العالميه
ماعلينا المهم اكملكم الحكايه..من كام سنه كده يعني بتاع3سنين
كنا بندرس ماده ملهاش كتاب وكنا لايصين بين المحاضرات علشان كل دكتور بينسى هو شرح ايه ويجيب امتحانات في جزئيه ملهاش اي لازمه في الحياة
فقولنا نعمل طلب جماعي من الدفعه لادارة الكليه علشان الكتاب ينزل لكن ولا حياة لمن تنادي
احنا خلاص كنا خلصناها بس قولنا اهي تبقى حاجه يستفاد بيها لدفعات اللي بعدنا وميطلع عنيهم زينا لكن محصلش حاجه طبعا
لحد التيرم ده بس...ظهر الكتاب ونزل وياريته ما نزل
وطبعا ده ليه علشان الايزو انتوا نسيتوا ولا ايه
بعد كده نيجي للانشط ه الطلابيه ........ اهي دي من اول سنه ليا في الكليه وكانت مجرد اسم في الجدول الانشطه الطلابيه
السنه دي بقى لقيناهم عايزين مننا انشطه يعني كل واحد فينا كده زي ...الامور يعمل لوحه ويكتب عليها اسمه
لا وكمان ايه يقولولنا اعملواpresentationوقدموه ع النت في الايميل بتاع القسم اللي مطلوب فيه.!!
الا صح هيا الكلمه دي معناها ايه
وظهر كمان للكليه مجله واسطوانات لشرح الجزء العملي في المواد وليله تانيه

ومش عندنا في الكليه بس لا ده في كل مكان اتفرج كده على اي مكان يكون في مسئول جاي يزورة تلاقي الشوارع بتلمع والدنا فاضيه اكن مفيش زحمه في البلد
واول ما المسئول ده ربنا يسهله ويمشي ترجع ريما لعادتها القديمه...
طب وبعدين هو احنا هنفضل كده لحد امتى؟ منشتغلش ومنعملش اي حاجه غير لما نبقى تحت المجهر
طب ليه لو فينا حاجه كويسه او نقدر نعمل حاجه كويسه تفيد الكل مبنعملهاش الا تحت ضغط؟
ولا هو احنا هنفضل طول عمرنا شعب مبيجريش غير ورا الشهادات
وعلى رأي عادل امام ((بلد بتاعة شهادات صحيح))


--------------------

الكلمة ايد ، الكلمة رجل ، الكلمة بــاب ،

الكلمة نجمه كهربيه فى الضباب

الكلمة كوبرى صلب فوق بحر العباب ،

الجن يا أًحباب من ما يقدر يهدمه ...

....فاتكلموا....

الرمل مرمى تحت قبة السما ،

مشتاق لقطره من المطر فيها النما ،

ملايين سنين عمره ما داقها ، انما

فيه كلمة تقدر فى المراوى تِعَوَّمه ..

....فاتكلموا....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عسلية
مشرفه القسم الاسلامي
مشرفه القسم الاسلامي
avatar

عدد الرسائل : 1172
تاريخ التسجيل : 05/02/2008

مُساهمةموضوع: رد: بلد بتاعة شهادات صحيح..   الأربعاء فبراير 27, 2008 2:35 am

نايس توبيك دام جديدك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة نفسها
عضو جديد
عضو جديد
avatar

عدد الرسائل : 189
تاريخ التسجيل : 08/03/2008

مُساهمةموضوع: رد: بلد بتاعة شهادات صحيح..   الأربعاء مارس 19, 2008 1:33 pm

جميل اوى تسلم الايادى وفى انتظار جديدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بلد بتاعة شهادات صحيح..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى همسات :: ::• المنتديات العامة •:: :: منتدي العامه-
انتقل الى: