مقالب ضد الشباب ادخلوا يا بنات

مرحبا بنات ............

مررررحبا صبايا....هذا موضوع نزلتو لكم...بليييييييييز الاولاااد مايخشوووو....ولا يقرأووو ..

فرصتكم يابنات .......... اتبعوا الشروط واشكروني

اذا طلبتي من اخوك انه يوديك السوق ورفض لانه رح يطلع مع اصحابه ....لا تزعلي وقولي له جزاك الله خير ...روحي

غرفتك والهي نفسك باي شي ( الموضو ع مارح يعدي بالساهل ... اليك الانتقام ....اختاري اي وسيله للانتقام من

الوسائل الاتيه:

1- روحي لمزيل الروائح بتاع اخوكى قبل مايستحمى وافتحي غطاه وحطي فيه استون مزيل المناكير وعصير ليمون

وصرافه .....ورديه مكانه...هذا وجهي اذا قدر ينزل يده ويمشي طبيعي ..

2- روحي للصندل او الجزمه ( الله يكرمكم ) اللي يحب يلبسها اخوك دايما وكلي لبان علبه كامله طلعيها من فمك وحطيها

في الجزمه من تحت ومن جوا ....قرف على اصوله...

3- روحي للقلم الباركر اللي يلبسه اخوك مع الثوب وطلعي الحديدده اللي جوا وغطيسيها في الحبر ورديها مكانها ...لما

ترجعي القلم لمحله سيبيه مفتوح ..يعني جاهز للكتابه....وطبعا اخوك رح يكون مستعجل وماينتبه له ...وينزل الحبر على

ثوبه ....قمه القهر

4- خذي فرشته بتاعت الشعر وغطسيها في ميه الحنه او في ميه مخلوطه ببيضه نيه ....لا تتركي الفرشه مببلله ...لا

خليها رطبه بس ..اخوك طبعا حيطلع من الحمام ( اعزكم الله ) ويمشط شعره وهو مبلول كالعاده ...شوفي الريحه اللي

حتطلع ....كمحاوله للمساعده لاظهار حسن النيه اعرضي عليه انك تستشوري له شعره ...اسكتى خالص...

5- خذي الجوال وفرغي البطاريه يعني العبي فيه لحد الشحن ماينتهي ..ولاعاوز يخرج من البيت قولي له جوالك بطاريته

فارغه ...خذ بطاريتي .....كرم اخلا ق عن جد

6- خذي مفتاح سيارته وخبيه ...واذا سال عنه قولي انك شفتيه مع اصغر طفل في العيله وياريت يكون عمره سنه او

سنه ونصف ...طبعا مايقدر يخاصمه ولا يضربه على العكس حيتحايل عليه ويحاول يوصله المعلومه باي طريقه ...وانتي ا

اضحكي عليه بس لا يشوفك ...قومي دوري المفتاح معاه لاتتفرحي بانتصارك مش وقته ...في النهايه حيتصل على

اصحابه علشان يمروا عليه ...هنا اساليه اذا محتاج فلوس ( ايه لا تبخلي عليه ولاتقولين لي ماعندك ..جيب السبع ما

يخلى ... وفي النهايه كله لصالحك ) اعرضي عليه من 100 الى 300 في الغالب هو رح يرفض ماله وجه ....ماوداك السوق

وكمان ياخذ منك فلوس .......

7- قبل ما يطلع من البيت خذي مفتاح غرفته بعد مايقفلها ....حاولي تحصلي على المفتاح ضروري ...لغاية ما يرجع من السهر ه

طبعاعاوز ينام ...يدور على المفتاح في الميداليه مارح يلقاه ...اكيد حيتوقع انه ناسيه او مضيعه برا ....طبعا ماله مكان

ينام فيه الا الكنبه .....روحي صحيه وقولي له نام في غرفتي انا ماني نايمه .....قممه في الكرم والاخلاق .....هنا عن جد

انتي كسرتي خاطره ...وضميره اكيد حيصحى ...ممكن مايبين لك لكن ثاني يوم رح يجيك بنفسه ويقلك اي سوق

عاوزاة...

اذا كان مش عاوز يوديكي علشان عاوز ينام ......اليك الحلول :

1 -روحي لسكينه الكهرباء واطفيها عن البيت كله .....واجري له وقولي في ريحه ماس وانا طفيت الكهربا

هنا ممكن يكمل نومه في الحر والزهق ..( عادي المهم انك طفشتيه )

او يروح يجيب كهربائي وياريت يكون هندي ...طبعا اي نوم اللي رح يجي بعد القعده مع هندي .....اول مايخلص الحقيه

بكوب نسكافه او قهوه تركي .....مارح يعترض ...سيبيه وروحي عنه ...رح يجيك وعيونه اربع اربع ويقوللك اي سوق

عاوزاة تروحين له ....

2 - جيبي البزران اللي في البيت وخليهم يلعبون عند غرفته وزوديهم بالالعاب اللي لها صوت ....وروحي قعدي جدتك

على التلفزيون وطلعي في الصوت علشان تسمع ....وياريت يكون البرنامج مضارب الباديه

اذا كان مايبي يخرجك علشان عاوز يشوف مباره او اي شي ...

1- اطلعي انتي والشغاله السطح وخذي معاكي مفك ..روحي لذراع الدش وفكي مسماره وحركي الصحن .....ونادي

الشغاله تنظف تحته وانتي ابعدي ....طبعا لا طلع اخوكى حيشوف الشغاله عنده ....انتي مالك دخل بس كبرى الموضوع بينهم.......

حلول على الماشي يعني ثقاله دم وبس مالها سبب:

1- اذا شفتيه يقرا جريده خذي عود كمبودي اصلي وعوديه وحطيه في ايدة من جوا وكثري العود لاتبخلي ....روحي

بعيد وراقبيه حتلاقيه رامي الجريده بطول ايده ....ليه لان ا يده صارت سوداء من حبر الجريده ..

2- خذي جواله والعبي فيه المهم حسسيه ان في احد مسكه وقرا الرسايل ...( بقولك لا تقراين الرسايل عيب احترمي

خصوصيته ) ..هنا رح يركبه ميت عفريت ..اذا سالك قولي انك شفتي جواله مع الوالد او الوالده...

3- اذا شفتيه قاعد على النت اجلسي جنبه ......واذا كان يتفرج فلم اجلسي معاه اتفرجي .....صدقي حيسبلك الغرفه

بكبرها لكي ....

4- اذا طلعتي سيارته مع العيله اركبي ورا وكبي علبه ميه كامله بس ميعرفش انة انتى....صدقيني مارح يطلب سيارته الا بعد

اسبوع ..

5- اذا طلعتي السياره اسرقي اشرطه كاسيت واحد بس في كل مره علشان مايحس فيكي ...

6- كل مايشتري شي جديد وياخذ رايك عيبي فيه وقولي مش حلو ....مطلعك اسمر ...مضعفك اوى ....اللونين مش لايقه على

بعض ...النظاره مطلعتك كانك جراده ...

7- كل ماتشوفينه اوهميه ان وزنه زاد او نقص ( على حسب انتي شوفي اخوكى واية عقدته )....

تحذير هام :

مهما بلغت درجه الصفاء بينك وبين اخوك في يوم من الايام لا تبلغيه بخططك هذه بئر تشرب منه لاترمي فيه حجار

مع تمنياتي الحااااااااااااااارة بحظ سعيد للبنات بس

هههههههههههههههه

موضوع زى العسل

تسلم ايدك ياقمر

تسميلى يا عمرررررررررررررررى

دام مرووووووووووووووورك